Copy

COMMUNITY INSIDER

Poraus esinesin ngeni ewe Chóchón Aramas non Salem-Keizer

Oktoper 1, 2022

Porausen ekkewe prokram an sukuun, ӓn chon sukuun tori ar kewe goals, met ei kinikin a finata me pwan ekkoch poraus non unusen ekkei nenien sukuun ra nomw non ewe SKPS Community Insider newsletter. Ren porausen ekkewe resources, fansoun mei ëuche, me pwan ekkoch ëuchean porausen ewe kinikin, ka tongeni no ngeni ewe community engagement page me won an ei kinikin we website.

Hispanic Heritage Month

Ekkewe Nenien Sukuun non Salem-Keizer ew kinikin mei fokkun nikitu ne awora tumwunun me kinamwein ekkewe chon sukuun, sense, famini me chóchón aramasen ei kinikin meinisin. Non ekkewe nenien sukuun non Salem-Keizer, A wor 46 percent chon sukuun me nein ekkewe chon sukuun meinisin me 14 percent sense me nein ekkewe sense meinisin iir Hispanic me/ika Lation/a/x. Ekan iteiten ier, seni fan Septemper 15 ngeni Oktoper 15, non ewe National Hispanic Heritage Month, SKPS a kan apwapwai ekkewe angang a wesino ӓn ekkewe chon Merika ar neo ra feito seni Spein, Meksiko, Caribbean, Central Amerika me South Amerika. Fӓn ew esinesin mei fiti önnuk, SKPS a esina me afona ewe Hispanic Heritage Month. Änneani ena esinesin mei fiti önnuk me won ӓn ei kinikin na website.

Kanaponon dual language (rru fóósun fönu) non ekkewe sukuun Salem-Keizer

Mei chómmóngonó chon sukuun iir mei angei sukuun non dual language (Ingenes/Spanish) non ekkewe nenien sukuun non Salem-Keizer me ruwanu sukunen elementary me rru middle school iir mei kapach ngeni ena prokram non ei ier. A wor pesepes ngeni ekkewe chon sukuun non ӓn Salem-Keizer ewe Dual Language Program ar repwe anapano ar weweiti me sinei ekkewe sakkopaten aramas seni ekkewe ekkoch öreni, fansoun ar kӓeö ӓnnea me mak non me rru ekkei fóósun fönu, Ingenes me Spanish. Me won an ei kinikin na website, katon sópwosópwun porausen katonong me ekkena sukuun mei awora ekkewe prokram non dual language.

Salem-Keizer mei achocho ne eppeti föfförun afani

Ekkewe nenien sukuun non Salem-Keizer ra fokkun achocho ar repwe awora ew neni ia chon sukuun repwe kӓeö ia, fiti an sukuun kewe urumwot me angang non ew neni ese wor ӓsӓwa, ӓmӓngaw ika manangaw, eniwokusu, eimwumwu, afani me efeiengawa. Me won ӓn ei kinikin na website, katon ekkena resources me önnuk faniten eppetin an esapw wor afani non Salem-Keizer.

Mei wor omw kapaseis ika memef?

Kose mochen kopwe no ngeni an Salem-Keizer Public Schools we Community Engagement page ren porausen ӓn ei kinikin kewe fansoun, atun angang fengen, me pwan ekkoch resources. Ren omw kopwe poraus, ka tongeni kori Caleb Roberts ika Yuriana Coronado seni ewe SKPS Community Relations me ewe putain Communications.

@SalemKeizerSchools
@SalemKeizerSchools
@SalemKeizer
@SalemKeizer
@SalemKeizer
@SalemKeizer
SalemKeizer.org
SalemKeizer.org
view this email in your browser
Copyright © 2022 Salem-Keizer Public Schools, All rights reserved.


Want to change how you receive these emails?
You can update your preferences or unsubscribe from this list.