COMMUNITY INSIDER

Nuuj n̄an Jukjukinpād eo an Salem-Keizer

Oktoba 1, 2022

Nuujleta eo an SKPS Community Insider ewor mel̗el̗e ko ie kōn būrookraam̗ ko an jikuul̗, tōprak ko an rijikuul̗, kālet ko an district im̗ nuuj ko jet jān pel̗aakin jikuul̗ kein an kien. Etal n̄an peij eo an community engagement ilo website eo an district n̄an menin jipan̄ ko, m̗akūtkūt ko im̗ mel̗el̗e ko jet raorōk n̄an jukjukinpād in.

Allōn̄ in kile M̗anit ko an armej in Hispanic

Jikuul̗ ko an Kien ilo Salem-Keizer (SKPS) ej kōttōpar bwe en juon district eo ekōjparok im̗ ekaruwainene n̄an aolep rijikuul̗ ro, rijerbal ro, baam̗le ko im̗ ro uwaan jukjukinpād eo. Ilo jikuul̗ ko an Salem-Keizer, 46 bōjjāān in rijikuul̗ ro im̗ 14 bōjjāān in rijerbal ro, kadkad ko aer ej Hispanic im̗/ak Latino/a/x. Kajjojo iiō, SKPS ej kautiej Allōn̄ in Kile M̗anit ko an Armej in Hispanic ilo Aelōn̄ in (Hispanic Heritage Month) im̗ ej jān Jeptōm̗ba 15 n̄an Oktoba 15 ilo ad m̗ōn̗ōn̗ō kaki ijoko kon̗aan Ri-Amedka ro me jibwier im̗ jim̗m̗aer raar itok jān Spain, Mexico, Caribbean, Central America im̗ South America. SKPS ej kile im̗ kautiej Hispanic Heritage Month kōn juon kean̄. Riiti kean̄ eo ilo website eo an district.

Kōl̗apl̗o̗k būrookraam̗ ko rej kōjerbal ruo kajin ilo jikuul̗ ko an Salem-Keizer

Iiō in, elōn̄lok rijikuul̗ ro rej kōjerbal katakin ko ilo ruo kajin (In̄lij/Jipānij) ilo Jikuul̗ ko an Kien ilo Salem-Keizer ilo an kobatok emān elementary jikuul̗ ko im̗ ruo middle school n̄an būrookraam̗ in. Dual Language Program eo an Salem-Keizer ej kōkajoorl̗o̗k rijikuul̗ ro n̄an aer kōl̗apl̗o̗k aer kam̗m̗oolol im̗ jel̗ā kaki m̗anit ko wōj, ilo aer jel̗āl̗o̗k kajin In̄lij im̗ Jipānij. Lale website eo an district kōn mel̗el̗e ko rel̗apl̗o̗k ikijjeen kadel̗o̗n̄ at n̄an jikuul̗ im̗ jikuul̗ ko me ewor aer būrookraam̗ ko rej kōjerbal ruo kajin.

Salem-Keizer ej kōttōpar n̄an bōbrae kowadon̄ (bullying)

Jikuul̗ ko an Kien ilo Salem-Keizer ej kōttōpar n̄an kōm̗m̗an bwe en wor jikin an rijikuul̗ ro maron̄ katak, bōk kon̗aer ilo m̗akūtkūt ko an jikuul̗ im̗ jerbal ilo juon jikin eo me ejjel̗o̗k kaen̄taanan ie, kaabn̗ōn̗ō, kakworkwor, bōk wōt ran, kowadon̄ im̗ kaleln̄o̗n̄. Lale menin jipan̄ ko im̗ kakien ko ikijjeen bōbrae kowadon̄ ilo Salem-Keizer ilo website eo an district.

Ewor kajjitōk ak kakkobaba ke?

N̄an m̗akūtkūt ko, iien engagement ko im̗ menin jipan̄ ko jet n̄an jukjukinpād eo, jouj im̗ etal n̄an Peij eo an Community Engagement eo an Jikuul̗ ko an Kien ilo Salem Keizer. Jouj im̗ ennaan tok ippān Caleb Roberts ak Yuriana Coronado ilo tūbaatmen eo an SKPS Community Relations and Communications n̄e ewor jabdewōt.

@SalemKeizerSchools

@SalemKeizer

SalemKeizer.org

view this email in your browser