Copy

COMMUNITY INSIDER

Jeptōm̗ba 1, 2022

Nuuj ko n̄an Jukjukinpād in ad ilo Salem-Keizer
SKPS Community Insider eo ej jikin an jukjukinpād in ad bōk mel̗el̗e kōn būrookraam̗ ko an jikuul̗, tōprak ko an rijikuul̗ ro, kālet ko an district im̗ nuuj ko jet ipel̗aakin jikuul̗ kein ami ilo bukwōn kein ad.

En̄iin ej tiim eo an district community engagement

Jān Jul̗ae 2022, Caleb Roberts im̗ Yuriana Coronado raar kobal̗o̗k ilo tiim eo an Community Relations & Communications’ engagement n̄an aer lukkuun ejaak jemjerā in jerbal ko rekāāl ilo aer kōm̗anm̗anl̗o̗k jemjerā ko rej bōk jikin ilo tōre in. Tiim in outreach in enaaj jerbal ippān Community Relations Director eo n̄an kōm̗m̗an pepe im̗ jino būrookraam̗ in outreach ko rekāāl ilo an rejetake kōttōpar eo an community engagement eo an Student Investment Account (SIA) im̗ likio in kōttōpar ko an community engagement eo an district in. Caleb im̗ Yuri rej jim̗or jerbal āinwōt liaison ro ak armej ro ikōtaan jukjukinpād eo im̗ jikuul̗ ko an Salem-Keizer. Ekkatak el̗apl̗o̗k kōn tiim in community engagement eo an district communication

M̗ōttan jidik ejino iiō in jikuul̗ in ekāāl

Wiik in lal̗, enan̄in 40,000 rijikuul̗ renaaj ro̗o̗l tok n̄an kilaaj ko aer ipel̗aakin Salem im̗ Keizer n̄an iiō in jikuul̗ in 2022-23. Iiō in ekāāl enaaj bōktok elōn̄ men ko rekāāl n̄an rijikuul̗ ro, rijerbal ro, im̗ jukjukinpād eo. Kom̗ bar ruwainene tok, Salem-Keizer.

Alooje pija in

M̗ōn̄ā in jibbon̄ im̗ rālep ejjel̗o̗k on̗aer aolepen iiō in n̄an rijikuul̗ ro an SKPS

Jikuul̗ ko an Kien ilo Salem-Keizer ej bōk kon̗āān ilo juon federal program ak būrookraam̗ an kien im̗ epel̗l̗o̗k āinwōt m̗ōttan National School Lunch and School Breakfast Program eo, Community Eligibility Provision (CEP). N̄an iiō in jikuul̗ in 2022-23, ewor m̗ōn̄ā in jibbon̄ im̗ rālep ko rōōne n̄an aolep rijikuul̗ ro an SKPS im̗ em̗ōj kadel̗o̗n̄ etaer ilo kilaaj ko rej kōm̗m̗an ilo mejatoto (virtual), ak ilo mejatoto im̗ ilo im̗ōn jikuul̗ (hybrid) ak ilo aer pād wōt ilo im̗ōn jikuul̗ eo (in-person) ilo ejjel̗o̗k on̗āān n̄an baam̗le ko. Ekkatak el̗apl̗o̗k kōn m̗ōn̄ā ko ilo jikuul̗ 

Superintendent Perry ekar kōjjel̗ā kōn an retire ak kōjem̗l̗o̗k an jerbal ilo jem̗l̗o̗k in iiō in jikuul̗ in 2022-23

Superintendent Christy Perry ekar kōjjel̗ā kōn pepe eo an n̄an retire ak kōjem̗l̗o̗k an jerbal ilo jem̗l̗o̗k in iiō in jikuul̗ in 2022-23 “Ilo mour in ewor season ko, im̗ ilo aō del̗o̗n̄ tok ilo kein 19 iiō in aō superintendent ilo Oregon, ij tōmak bwe e tōre in aō kōppopo n̄an season in tok juon – season eo aō tok juon im̗ season eo tok juon an SKPS,” Perry eba. Superintendent Perry enaaj wōnm̗aanl̗o̗k im̗ kōm̗m̗ane eddo eo an el̗ap ilo iiō in jikuul̗ in im̗ barāinwōt jerbal ippān jukjukinpād eo ikijjeen men ko rekkar āinwōt tōprak ko an rijikuul̗ im̗ wōnm̗aanl̗o̗k ko aer. Ekkatak el̗apl̗o̗k kōn an Superintendent Christy Perry kōjem̗l̗o̗k an jerbal

Ritōl ro an SKPS rej lol̗o̗k Anahuac Farm

Capaces Leadership Institute im̗ Anahuac Team raar kūr tok ritōl ro jān ipel̗aakin district in n̄an Anahuac Farm n̄an aer alooje im̗ ekkatak kōn wāween aer ekkat im̗ kōm̗m̗an ine ko me rej bwinnin jukjukinpād kein an armej in lukkuun Amedka. Kurup in raar ekkatak kōn bwebwenato in Anahuac Farm im̗ kōn m̗anit eo ie im̗ kar kōm̗m̗an iien n̄an aer edjon̄i m̗ōn̄ā in ijen āinwōt Bolillo (m̗ōn̄ā in m̗anit kan aer, im̗ ej juon pilawe eo ewor kain kāre in n̄an nemān) im̗ Atole (denin idaak kan̗ aer me ej kōm̗m̗an jān corn im̗ masa). Ekkatak el̗apl̗o̗k kōn Anahuac ilo Website eo an Capaces Leadership.

Jukjukinpād in an Salem-Keizer ej ajej pāāk in kōjatdikdik ko n̄an rijikuul̗ ro

Bwijin kam̗m̗oolol n̄an Intel im̗ aolep ro m̗ōttad jān jukjukinpād eo im̗ raar bōk kon̗aer ilo ajej pāāk in kōjatdikdik ko n̄an rijikuul̗ ro im̗ raar ajel̗o̗k elōn̄l̗o̗k jān 1,500 pāāk ko n̄an rijikuul̗ in elementary ro raar jikuul̗ ilo summer in. Kajjojo pāāk em̗ōj likūt ilowaan juon peba eo em̗ōj je naan in kōjatdikdik ko rem̗m̗an. Barāinwōt em̗ōj kobaiki ilowaan pāāk eo juon peba in STEM n̄an an rijikuul̗ ro ikkure kake im̗ kadedel̗o̗k. Rijikuul̗ ro rej kam̗m̗oolol kōn jouj eo im̗ jipan̄ eo an ro m̗ōttan district in. 

Jikin ekkatak ko rekāāl an SKPS, kam̗m̗oolol n̄an bond eo an 2018

Rijerbal ro im̗ rijikuul̗ ro an jikuul̗ ko ruwatimjuon an Salem-Keizer renaaj bar ruwainene in ro̗o̗l tok ilo fall n̄an jikin kein rekāāl im̗ em̗ōj kōm̗anm̗anl̗o̗k, kam̗m̗oolol n̄an jipan̄ eo an jukjukinpād kōn bond eo an 2018. Elōn̄l̗o̗k jān jon̄oul ruo jikuul̗ ko ekar jino jerbal in ekkal ko aer ilo jino in summer in an 2022, im̗ elōn̄ iaer rej jikejuul̗ n̄an pojak n̄an rijikuul̗ ro ilo jino in fall ilo 2023. Rijikuul̗ ro relukkuun m̗ōn̗ōn̗ō kōn em̗m̗anl̗o̗k kein! Ron̄jake naan kein an jilu rijikuul̗ in kilaaj jilu ilo Pringle im̗ rej kwal̗ok aer lukkuun m̗ōn̗ōn̗ō im̗ l̗ōmn̗ak ko aer kōn jerbal ko rej kōl̗l̗ā jān ippān bond eo n̄an aolep Panther ro.

Alooje pija in

Jijtōm̗ in Kōjparok ko an SKPS – Lukkuun jerbal ippān ro m̗ōttad ilo jukjukinpād

Kōjparok im̗ ājmour eo an aolep rijerbal, rijikuul̗ im̗ ro uwaan jukjukinpād eo im̗ rej pād ilo em̗ ko im̗ōn SKPS ej eddo eo an district in ilōn̄tata. SKPS ewor juon an jijtōm̗ eo ekajoor, epidodo an jerbal ippān jukjukinpād eo, im̗ ej wāween jerbal eo aelōn̄ in ej kile āinwōt juon men eo ej aolep iien kōm̗anm̗anl̗o̗k wāween kōjparok ilo im̗ōn jikuul̗ im̗ m̗ōkaj an jerbali apan̄ ko. Ekkatak el̗apl̗o̗k kōn jijtōm̗ in kōjparok ko an district ilo online ilo website eo an district. 
Ewor am̗ kajjitōk ak kakkobaba ke?

Ikijjeen iien ko ewor men rej bōk jikin, ak iien an armej kobatok ak menin jipan̄ ko n̄an jukjukinpād eo, ekwe jouj im̗ etal n̄an Peij eo an Community Engagement eo an Jikuul̗ ko an Kien ilo Salem Keizer ilo website eo an district. Jouj im̗ jab mijak in email e l̗o̗k Caleb Roberts ak Yuriana Coronado ilo SKPS Community Relations & Communications Department.

@SalemKeizerSchools
@SalemKeizerSchools
@SalemKeizer
@SalemKeizer
@SalemKeizer
@SalemKeizer
SalemKeizer.org
SalemKeizer.org
view this email in your browser
Copyright © 2022 Salem-Keizer Public Schools, All rights reserved.


Want to change how you receive these emails?
You can update your preferences or unsubscribe from this list.