Copy

COMMUNITY INSIDER

O̗kwōj 1, 2022
 
Nuuj n̄an Jukjukinpād eo ad ilo Salem-Keizer (SKPS)
Nuujleta eo an SKPS Community Insider ej ijo jikin an jukjukinpād in ad bōk mel̗el̗e kōn būrookraam̗ ko an jikuul̗, tōprak ko an rijikuul̗ or, kālet ko an tijtiriik im̗ nuuj ko jet ipel̗aakin jikuul̗ kein an kien ilo bukwōn kein.
Epaak tok bar iien-ro̗o̗l-n̄an-jikuul̗

Mejatoto in iien-ro̗o̗l-n̄an-jikuul̗ ej epaak tok. Kwōn mejmej karruo ilo ad wōnm̗aanl̗o̗k n̄an jino in iiō in jikuul̗ in ekāāl n̄an am̗ lale mel̗el̗e ko im̗ menin jipan̄ ko n̄an iien-ro̗o̗l-n̄an-jikuul̗ im̗ renaaj pād ilo website eo an tijtiriik. Ilo tōre in, lali bwe kwōn jel̗ā kōn aolep m̗akūtkūt ko rekalimomo ipel̗aakin tijtiriik in ilo summer in n̄an an rijikuul̗ ro im̗ jukjukinpād eo bōk kon̗aer ie.
 
Ekkal n̄an Wōnm̗aanl̗o̗k

Im̗ kam̗m̗oolol n̄an jukjukinpād eo an Salem-Keizer kōn jipan̄ ko ami n̄an 2018 bond eo, jerbal in kōm̗anm̗anl̗o̗k im̗ōn jikuul̗ ko rej bōk jikin ipel̗aakin tijtiriik in. Jerbal in kōm̗anm̗anl̗o̗k ko an bond eo rej wōnm̗aanl̗o̗k wōt im̗ bōk jikin ilo summer in ilo im̗ōn jikuul̗ ko me rej jerbali kiiō.

Ekkatak el̗apl̗o̗k kōn mel̗el̗e ko rekāāl tata ilo summer ikijjeen būrookraam̗ eo an bond eo.
 
Kōjjel̗ā ko an Ritōl ro an SKPS n̄an 2022-23

El̗an̄n̄e būrinjibōl̗ ro rej ritaer ak kajem̗l̗o̗k aer jerbal ak em̗m̗akūt n̄an bar juon jerbal ilowaan tijtiriik in, elōn̄ iien jej kōm̗m̗an oktak ilo ritōl ro an jikuul̗ n̄an ad kajejjet ad kōtōprak aikuj ko an aolep rijikuul̗ ipel̗aakin tijtiriik in. Laajrak in rijerbal ro rej em̗m̗akūt ak rej kāāl tok ej kwal̗ok oktak ko ilo ritōl ro an Elementary, Middle im̗ High school ko, barāinwōt ilo opiij ko an tijtiriik.
 
Men ko rel̗l̗ap kōn kilaaj in kadiwōjl̗o̗k eo an 2022

Kilaaj eo an 2022 ekar juon kumi in rijikuul̗ ro el̗ap aer kar kate er! Mekarta nan̄inmej in el̗ap an COVID-19 im̗ jorrāān ko jān kijeek ko, l̗an̄ in aij ko, jikuul̗ ilo mejatoto, jikuul̗ mejatoto im̗ ilo im̗ōn jikuul̗ im̗ wāween ko jet reppen, elōn̄l̗o̗k jān 2,800 rijikuul̗ ro raar kadiwōjl̗o̗k ilo 2022.

Er kein ej jet iaan tōprak ko an kilaaj eo an 2022:
  • Raar bōk elōn̄l̗o̗k jān $59 million tal̗a in jāān in jipan̄ kōl̗l̗ā on̗āān jikuul̗
  • Elōn̄l̗o̗k jān 100 rijikuul̗ raar bōk menin nebar eo n̗a etan Oregon State Seal of Biliteracy, kalikkar er āinwōt global learner ro im̗ kile er āinwōt ro retijem̗l̗o̗k im̗ lukkuun jel̗ā juon ak elōn̄l̗o̗k jān juon kajin im̗ roktak jān kajin In̄lij
  • Elōn̄l̗o̗k jān 1,500 rikadiwōjl̗o̗k ro raar bōk kon̗aer ilo kilaaj ko an Career and Technical Education ilo high school, im̗ ej kōpooj er kōn kapeel ko n̄an jikin jerbal ko ilo ilju im̗ jakl̗aj ko aer
  • Elōn̄l̗o̗k jān 1,000 rikadiwōjl̗o̗k ro raar bōk kilaaj ko an advance placement ak international baccalaureate ilo high school, im̗ rej make wōt pentata ilo jikuul̗ kein ad
Ekkatak el̗apl̗o̗k kōn kilaaj in kadiwōjl̗o̗k eo an 2022
 
Rijikuul̗ in South Salem High School ej wiini nebar ko reutiejtata an National Merit

Arnav Mohindra ej juon iaan rijikuul̗ in Oregon ro 26 ilo Kilaaj eo an 2022 im̗ ekar bōk scholarship eo eutiejtata kōn $2,500 jān ippān National Merit Scholarship Organization eo. Arnav enaaj etal im̗ jikuul̗ ilo Washington University ilo St. Louis ilo fall im̗ enaaj bōk kōn medicine ak uno. L̗addik in eitok limo in ilo jerbal in kobaik science im̗ humanities n̄an jipan̄ kōm̗m̗an bwe armej ren em̗m̗anl̗o̗k, eo im̗ ekar itok wōt jān ro m̗ōttan im̗ raar en̄taan kōn mental health ak ājmour in kōl̗mānl̗o̗kjen.

Ekkatak el̗apl̗o̗k kōn Arnav im̗ National Merit eo

*Bwebwenato in emaron̄ aikuj bwe kwōn subscribe ak kanne im̗ kōl̗l̗ā on̗āān n̄an am̗ lo bwebwenato in ilo online
 
Ekar juon iiō eo el̗ap tōprak n̄an rijikuul̗ in basic nursing an McKay High School

Kumi in rijikuul̗ ro 16 raar bōk kūreet average ko reutiejtata an kilaaj eo im̗ ej kab wor ilo bwebwenato in CTE Nursing Assistant Program eo an McKay. Kajjojo iaan rijikuul̗ ro raar maron̄ em̗m̗akūt im̗ ekkatak jerbal ilo clinic ko im̗ remaron̄ in bōk teej eo ippān Oregon State Board of Nursing. Būrookraam̗ in ej ejaak jemjerā ko rekajoor ikōtaan jikuul̗ im̗ jukjukinpād, im̗ kōm̗m̗an bwe rijikuul̗ ro ren pojak n̄an jerbal ilo jikin jerbal ko ālikin aer kadiwōjl̗o̗k.

Ekkatak el̗apl̗o̗k kōn rijikuul̗ in nursing ro an McKay
 
SKPS Migrant Education Summer Program

Summer in, elōn̄l̗o̗k jān 600 rijikuul̗ ro im̗ baam̗le ko aer raar lem̗ōn̗ōn̗ō ippān doon kōn jem̗l̗o̗k in 2022 Migrant Education Summer Program kōn imminene eo ad n̗a etan “Clausura.” “Clausura” eo ej juon būrookraam̗ in al ko im̗ ikkure ko an rijikuul̗ ro im̗ raar ekkatak ilo būrookraam̗ in. 

Title 1-C/Migrant Education Program ej juon būrookraam̗ an federal ak kien im̗ ekar ejaak n̄an letok būrookraam̗ in jel̗āl̗o̗kjen ko im̗ jipan̄ ko me rem̗m̗antata im̗ rekarbabtata ilo iiō in jikuul̗ im̗ barāinwōt ilo iien jikuul̗ ilo summer im̗ ej n̄an ajri ro nejin baam̗le ko raar em̗m̗akūt tok im̗ jerbal ilo jikin kallib (agricultural), jikin ekkat (forestry) im̗ jikin eo̗n̄ōd ko (fishing industries).

Migrant Education Program eo ej wōnm̗aanl̗o̗k im̗ jerbali aikuj ko rejenolo̗k ikijjeen jel̗āl̗o̗kjen n̄an ajri rōt kein raar em̗m̗akūt tok jān aelōn̄ ko likin im̗ ekkā aer jelm̗ai apan̄ ko ilo jel̗āl̗o̗kjen kōn wōt jekjek in jerbal ko an baam̗le ko aer.
 
Salem-Keizer Unified Summer Program

Salem-Keizer Unified Summer Program eo, me ekar jino ilo 2021, ej kakobaik tok elōn̄l̗o̗k jān 300 rijikuul̗ ro ewor im̗ ro ejjel̗o̗k aer m̗ōjn̗o̗ ilo ānbwin jān ipel̗aakin tijtiriik in. Būrookraam̗ ko an Unified ilo summer in ewor ikkure ko im̗ m̗akūtkūt rekalimomo, āinwōt noodle tag, volleyball, soccer, basketball, art activity ko im̗ elōn̄l̗o̗k.

Ekkatak el̗apl̗o̗k unified program eo an summer in ilo iiō in
 
Būrookraam̗ ko an early education an Salem-Keizer repel̗l̗o̗k

Ajri ro ilo jukjukinpād eo an Salem-Keizer remaron̄ kadel̗o̗n̄ etaer n̄an būrookraam̗ in jikuul̗ ko an early childhood n̄an jipan̄ pedped jel̗āl̗o̗kjen ko aer ilo iiō in jikuul̗ in 2022-23. Jikuul̗ ko an Kien ilo Salem-Keizer kiiō ewor an pel̗l̗o̗k ko n̄an kanne n̄an būrookraam̗ ko an jilu an early childhood im̗ rej jerbal ippān ajri ro jilu im̗ emān iiō dettaer.

Ekkatak el̗apl̗o̗k kōn būrookraam̗ ko an early education

N̄an iien ko rej bōk jikin, pel̗l̗o̗k ko n̄an am̗ bōk kon̗aam̗ ie im̗ menin jipan̄ ko jet n̄an jukjukinpād eo, jouj im̗ etal n̄an Community Engagement Page an Jikuul̗ ko an Kien ilo Salem-Keizer ilo website eo an tijtiriik.

El̗an̄n̄e ewor kajjitōk ak kakkobaba? Jab mijak in ennaan tok ippān Caleb Roberts (roberts_caleb@salkeiz.k12.or.us) ak Yuriana Coronado (coronado_yuriana@salkeiz.k12.or.us) ilo SKPS Community Relations & Communications Department.

@SalemKeizerSchools
@SalemKeizerSchools
@SalemKeizer
@SalemKeizer
@SalemKeizer
@SalemKeizer
SalemKeizer.org
SalemKeizer.org
view this email in your browser
Copyright © 2022 Salem-Keizer Public Schools, All rights reserved.


Want to change how you receive these emails?
You can update your preferences or unsubscribe from this list.

Email Marketing Powered by Mailchimp