Copy

COMMUNITY INSIDER

Septemper 6, 2022

Poraus ngeni chóchón non ach ei Kinikin Salem-Keizer
Ewe SKPS Community Insider ina ӓn ach ei kinikin nenien poraus ren sukuun, met chon sukuun iir mei awesi ika asopwono, ӓn ei kinikin pwungupwung me pwan ekkoch poraus non unusen omw kewe sukunen mwuun non omw ei kinikin.

Churi me sinei ewe kumi a iteni district community engagement team

Seni fän ewe Sunae 2022, ina atun än Caleb Roberts me Yuriana Coronado ra chóni ewe Community Relations & Communications’ engagement team ar repwe anapano minafön angang fengen me anapano ewe nefin mei fen wor akkoumw. Ewe engagement team epwe anisatai än ewe kinikin ötturesi an epwe pachonong me riri ngeni ewe kinikin Salem-Keizer. Ewe outreach team me ewe Director seni Community Relations & Communications repwe angang fengen ar repwe akkota me ömwökutu ekkewe outreach prokram faniten met ewe chóchón aramas me kinikin ra akkota faniten ewe Student Investment Account (SIA). Caleb me Yuri, iir me ruemon repwe wisen poporaus ngeni ewe chochon aramas seni Salem-Keizer. Sineiöchu sópwosópwun porausen ewe district communications’ community engagement team

A chok arapakan an epwene poputa ew minafön ierin sukuun

Non en wiik, arap ngeni 40,000 chon sukuun repwene niwin ngeni ar kewe classroom non unusen ekkewe sukuun non Salem and Keizer ren ei ierin sukuun 2022-23. Ei ierin sukuun epwe awora chommong asam mei suuk ngeni chon sukuun, sense me ewe kinikin.  Ran annim Salem-Keizer.
 
Katon na video

Mwöngön nesosor me neanowas epwe chok free non unusen ei ier ngeni meinisin chon sukunen SKPS

Ekkei Sukunen Mwuun non Salem-Keizer iir mei chóni ewe prokam mei kawor seni mwuunap faniten ewe National School Lunch and School Breakfast Program, Community Eligibility Provision (CEP). Ren en ierin sukuun 2022-23, ekkewe mwöngön nesosor me neanowas mei fokkun murinno ngeni märin inis a kawor ngeni meinisin chon sukunen SKPS iir mei sukuun won kompiuter me non imwer, hybrid, ika non sukuun nge ese kamë. Sineiöchu ika änneani sópwosópwun porausen mwöngön sukuun

Superintendent Perry a esinesin an epwene retire ika wes seni angang nesópwonon ei ierin sukuun 2022-23

Superintendent Christy Perry a esinesin won met a eäni kókkót pwe epwene retire ika asësë seni angang ika a mwuch ei ierin sukuun 2022-23. Iei met Perry a apasa, “Non manaw mei wor fansoun me fansoun, nupwen uwa tonong non ei 19’wen ierin ai wiseni ei wis Superintendent non Oregon, uwa nuku nge a iei fansoun ai upwene akkota met kókkótun non en ew fanoun – ai fansoun me an SKPS fansoun.” Superintendent Perry epwe chok sopweno an angang non ei ierin sukuun ren an pananong ewe watten chóchón aramas won sakkun nóngónóng epwe emweni chon sukuun ar repwe sópwöch non ar käeö. Sineöchu sópwosópwun porausen ӓn Superintendent Christy Perry epwene retire
 

Souemwenin SKPS re no ӓmwa Anahuac Farm

Capaces Leadership Institute me ewe Anahuac Team ra etiwa ekkewe souemwen seni unusen ewe kinikinin sukuun ngeni Anahuac Farm ar repwe katon angangen atake ar repwe sinei ifa ussun ar repwe amwonata ew neni ar repwe fót föun iran fonuwer kewe. Ewe kumi a käeö ussun porausen ewe Anahuac Farm fiti fengen me ar ëreni me ra fen pwan mwöngö ewe pinawa itan Bolillo (pinawan fönuwer mei neken ika mwiik) me Atole (unumer mei för seni chënun corn). Sineöchu sópwosópwun porausen Anahuac me won ewe Capaces Leadership website.

Ach ei kinikin Salem-Keizer a awora bags of hope (chota mei euche) ngeni chon sukuun

Ach kinisou ngeni Intel me ewe chochon aramas meinisin ra angang fengen ren ar pwan awora bags of hope ngeni chon sukuun ren ar uwei napesen 1,500 chota ngeni ekkewe chon sukunen elementary iir mei fiti sukunen summer.  Ew me ew ekkei chota mei fokkun enning won fiti fengen me makken paw won ren poraus mei ënükünük faniten epinüköch.  Mei pwan wor ew STEM activity ika mettoch chon sukuun repwe fori mei nomw non ena potow.  Chon sukuun ra men kinisou ren aramasöchun me aninisöchun ekkewe aramas ra angang fengen me ach ei kinikin.

Kinisou ngeni ewe 2018 bond ren an SKPS kewe minafon nenien käeö

Sense me chon sukuun non 9 ekkewe sukuun non Salem-Keizer repwene niwiniti sukuun non ei fall non minafön neni mei föröchuno, kinisou ngeni ewe kinikin ren an anisieta ewe 2018 bond. Mei nape seni engon me rruu sukuun mei pwan kapacheta ra poputa ne för nepoputan ei summer non ei ier 2022, me chommong ra mwonnota än chon sukuun repwene äeä nupwen ra niwiniti sukuun non ei fall 2023. Chon sukuun ra fokkun pwapwa ren ekkei ekkesiwin. Eusening ngeni met ekkena unumon chon sukuun seni mwichen unungat me non ewe sukuun Pringle ra era ren met ewe bond ika moni a föri faniten ekkewe Panthers ika chon sukuun.
 
Katon ena video

SKPS Safety Systems – Arap ne angang fengen me chon non ewe kinikin

Nampa ew ëuchea me non an ei kinikin ekiek, tumwunun me pöchökunen nëuch kewe sense, chon sukuun me chóchón ewe kinikin me non an SKPS kewe sukuun ika neni. Mei wor än SKPS akkot mei pöchökun mei riri ngeni ewe kinikin me sineno non unusen Merika an epwe öchuweno angangen tumwun ngeni sukuun me mwuttir ne anganga. Sineiöchu sópwosópwun porausen än ei kinikin we safety system online me won ach ei district website.
Mei wor omw kapaseis ika memef?

Ren porausen met epwe fis non ekkena ran, mwökütüküt ren pekin angang fengen me pwan ekkoch aninis ngeni ewe kinikin, kose mochen kopwe no ngeni Salem-Keizer Public Schools Community Engagement Page me won ӓn ei kinikin we website. Ka tongeni email ngeni Caleb Roberts ika Yuriana Coronado seni ewe SKPS Community Relations & Communications Department.
@SalemKeizerSchools
@SalemKeizerSchools
@SalemKeizer
@SalemKeizer
@SalemKeizer
@SalemKeizer
SalemKeizer.org
SalemKeizer.org
view this email in your browser
Copyright © 2022 Salem-Keizer Public Schools, All rights reserved.


Want to change how you receive these emails?
You can update your preferences or unsubscribe from this list.